金像獎2024｜劉嘉玲讚老公係偉大演員成熱話　嘉玲11年前早有同樣講法

「第四十二屆香港電影金像奬」於上周日完滿落幕，梁朝偉憑《金手指》奪「最佳男主角」，成為其第6度封帝。

梁朝偉太太劉嘉玲上台代為領獎，並指老公是偉大演員，這番言論成為熱話，「我知道當大家覺得梁朝偉拎獎，一定會話又係佢拎，應該畀機會其他人，但我喺佢身上覺得佢喺值得拎，因為佢係好偉大嘅演員。我相信其他演員會付出200分努力去拍攝，但梁朝偉永遠付出500、1000分嘅努力去做，佢真係一個好偉大嘅演員。」

劉嘉玲其實早在11年前的TVB節目《最佳女主角》中，也曾詳細地提到稱偉仔是偉大演員的原因！

金像獎2024丨劉嘉玲龍蝦晚裝大有來頭　盤點龍蝦時裝Lady Gaga最出位

早已稱偉仔是偉大演員

早在2013年，劉嘉玲亮相前黎芷珊主持的TVB節目《最佳女主角》，當中嘉玲就稱偉仔是偉大的演員。

她說：「佢係一個好難得嘅演員，除咗佢係有天賦，佢後天對自己要求、不斷喺生活當中充實自己，無人會知道佢付出幾多，係我睇到。人哋會覺得你（梁朝偉）中獎率係99.9%，我覺得一個成功嘅人係無僥倖。同埋佢係一個好難入戲嘅演員，佢唔似我咁樣好快就適應環境，咩人、咩場面我都可以好自然融入，佢係好難㗎！」

她續指：「你喺佢身邊辛苦又新鮮，因為經常有唔同嘅梁朝偉出現，我覺得佢係一個幾偉大嘅演員，我覺得我要成就佢。我將屋企打理得好好，令佢冇後顧之憂，佢係幸福，因為佢可以完全放心去追佢嘅夢。」

▼點擊圖片放大

+8

+7

梁朝偉屬於所有人

嘉玲也提到老公是沒有爭議的人，「佢係屬於大家，佢有一班好忠實嘅fans，有一班好錫佢嘅人，年紀細到年紀大都有，佢基本上係一個冇咩爭議嘅人，係大家都好錫嘅梁朝偉！我就係大家都有爭議，但梁朝偉基本上冇咩爭議，『我們的梁朝偉』係非常之啱。」

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5